Framundan eru jólatónleikarnir.
Þeir verða haldnir í Borgum Spönginni 43, þriðjudaginn 11. des. kl. 17:30 og kl. 19:00 og fimmtudaginn 13. des. kl. 17:30 og 19:00.
Borgir er kirkjusel Grafarvogskirkju og félags- og menningarmiðstöð Velferðasviðs Reykjavíkurborgar og aðsetur Korpúlfa samtaka eldriborgara í Grafarvogi.
Allir velkominir.
Í október eru tónfundir í Tónskóla Hörpunnar. Allir nemendur taka þátt og flestir leika eitt lag eða eina æfingu. Tónfundirnir eru haldnir í sal skólans í Spönginni.
Tónfundirnir eru sem hér segir:
Kennarar munu senda út tölvupóst til allra foreldra með upplýsingum um það hvenær hver og einn nemandi á að spila.
Kennsla hefst mánudaginn 27. ágúst.
Haft verður samband við alla nemendur. Fyrsti tími annarinnar er í vikunni 27. – 31. ágúst.
Nú hafa nöfn nemenda haustannar verið færð á Frístundakortið og hægt að ráðstafa af því ef einhverjir eiga enn óráðstafað af framlagi ársins.
Best væri að þeir sem hafa hugsað sér að ráðstafa af kortinu geri það fyrir 28. ágúst svo ráðstöfunin komi til lækkunar á greiðsluseðli septembermánaðar.
Nú erum við í Tónskóla Hörpunnar að skipuleggja starf vetrarins. Kennsla byrjar í næstu viku og munu kennara hafa samband við nemendur og forráðamenn næstu daga.
Ef einhverjar spurningar hafa vaknað þá er bara að hringja í síma 567 0399 eða senda netpóst á harpan@harpan.is.
Hafin er innritun nýrra nemenda á haustönn 2018. Sótt er um á RafrænReykjavík: https://rafraen.reykjavik.is
Vortónleikarnir verða haldnir mánudaginn 14. maí og miðvikudaginn 16. maí. Tvennir tónleikar báða dagana kl. 17:00 og 18:30. Tónleikarnir eru öllum opnir og allir velkomnir.
Eftir er að raða nemendum á tónleikana en kemur í ljós í næstu viku.
Fyrsti maí er lögbundinn frídagur og því er enginn kennsla í skólum landsins þennan dag. Sem sagt; frí þriðjudaginn 1. maí.
Foreldrar, tónlistarnemar, tónlistarkennarar og aðrir velunnarar tónlistarkennslu í Reykjavíkurborg vinsamlegast athugið:
Opinn fundur verður haldinn í Austurbæjarbíó miðvikudaginn 2. maí kl. 20.00 um framtíð tónlistarkennslu í Reykjavíkurborg.
Á fundinn eru boðaðir oddvitar framboðanna til sveitarstjórnarkosninganna í vor. Oddvitar stærstu framboðanna, Dagur B. Eggertsson borgarstjóri og Eyþór Arnalds borgarstjóraefni Sjálfstæðisflokksins munu taka til máls.
Það er ljóst þeim sem fylgst hafa með málefnum tónlistarskóla undanfarin misseri að víða hefur vandi steðjað að. Enn eru tónlistarskólar að súpa seyðið af hruninu 2008. Það er mikilvægt að allir sem láta sér annt um tónlistarkennslu í höfuðborginni Reykjavík mæti á fundinn og láti skoðun sína í ljós.
Blómlegt tónlistarlíf á Íslandi á rætur sínar að rekja til öflugrar tónlistarmenntunar. Viljum við sjá öflugt tónlistarlíf áfram á Íslandi? Ef svo er, mætum á fundinn og látum í okkur heyra!
Nokkrir nemendur Tónskóla Hörpunnar léku á Sumardaginn 1. á afmælishátið eldriborgara, Korpúlfa sem haldin var í Gullhömrum. Ísar Örn, Jökull Hólm og Þengill léku á trommur, saxafón og rafgítar ásamt Kjartani aðstoðarskólastjóra sem lék með þeim á rafbassa. Þrír píanónemendur léku á flygill í salnum, þau Klara Ólöf, Sandra Irena og Halldór Ásgeir.
