Tónskóli Hörpunnar

Undirbuningur haustannar og innritun nýrra nemenda stendur yfir. Fyrsti kennsludagur haustannar er 28.ágúst.

Einhverjir hafa sent okkur skilaboð útaf því að merki skólans var tekið niður og er rétt að koma því á framfæri að verið er að klæða húsið. Skólinn er enn í sama húsnæði og við hlökkum til að sjá alla nemendur og foreldra þegar starfið hefst.

Kæru nemendur, foreldrar og aðstandendur.

Vortónleikar Tónskóla Hörpunnnar fara fram dagana 15. og 16.maí næstkomandi. Allir nemendur hafa fengið úthlutað tónleikatíma frá sínum kennara. Tónleikarnir eru að vanda haldnir í Borgum, Spönginni 43 sem er næsta hús við tónskólann.

Við biðjum alla að mæta tímanlega og æskilegt er að nemendur mæti í tónleikaklæðnaði.

Vikan 15.-19. maí er síðasta kennsluvika þessarar annar en eftir það verðum við með stigspróf fyrir þá sem eru komnir þangað í náminu, leikskólaheimsóknir og starfsdaga þar sem við undirbúum starf haustsins og sækjum endurmenntun.

Nú sendi Reykjavíkurborg út árlegan tölvupóst um umsóknir í tónlistarskóla. Til að sækja um nám í Tónskóla Hörpunnar þarf að fylla út umsókn á heimasíðunni okkar. Öllum umsóknum er svarað.

Hjá okkur þarf ekki að sækja um aftur hafi nemandi stundað nám á á vorönn 2023. Við færum alla sjálfkrafa áfram yfir á næsta skólaár, og þið tryggið ykkur plássið með því að greiða staðfestingargjald, en greiðsluseðill er sendur út að sumri.

Við biðjum ykkur hinsvegar um að láta okkur vita ef einhverjar breytingar verða, t.d. ef nemandi vill skipta um hljóðfæri, taka sér pásu eða þarf að breyta um kennslustað. Þetta má gera með því að senda okkur tölvupóst á harpan@harpan.is

Nú eru páskar á næsta leiti og er páskafrí okkar eins og grunnskólanna, frá 1.-10.apríl. Kennsla hefst aftur þriðjudaginn 11.apríl samkvæmt stundaskrá.

Öskudagur er hefðbundinn kennsludagur hjá okkur, en tónfræði fellur niður þennan dag.

Þeir sem hafa mjög lítinn tíma geta mætt stutt og við leysum alla út með glaðning. Eins erum við með opið hús fyrir söngglaða gesti og tökum vel á móti ykkur.

Kæru foreldrar og forráðamenn. Við erum eins og síðustu ár með vetrarfrí sömu daga og í grunnskólum borgarinnar eða fimmtudag til sunnudags, 24.-25. febrúar. Kennsla hefst aftur á mánudegi samkvæmt stundaskrá.

Dagur tónlistarskólanna verður haldinn hátíðlegur með opnu húsi í Tónskóla Hörpunnar Spönginni 39, laugardaginn 11. febrúar n.k. kl. 13:00 – 15:00.

Nemendur munu flytja tónlistaratriði og hægt verður að prófa allskonar hljóðfæri og spjalla við starfsfólk skólans. Boðið verður upp á kaffiveitingar og eru allir velkomnir, bæði þeir sem stunda nám við skólann og þeir sem vilja kynna sér starfsemina.

Gleðilegt nýtt ár kæru nemendur, foreldrar og forráðamenn. Kennsla á vorönn hefst á morgun, miðvikudaginn 4.janúar. Eins og venjan er í Tónskóla Hörpunnar höfum við opið fyrir skráningu á vorönn sérstaklega, en nemendur haustannar þurfa ekki að sækja um aftur heldur gerum við ráð fyrir þeim áfram að því gefnu að gengið hafi verið frá greiðslu staðfestingargjalda vorannar.

Kennt verður eftir tímaskipulagi haustannar fyrstu vikuna, ef gera þarf breytingar verður kennari í samskiputum við ykkur.

Við höfum samband við nýja nemendur á næstu dögum.

Kæru foreldra og forráðamenn

Í dag kláruðust tónfundir haustannar. Á föstudag förum við svo í haustfrí samhliða grunnskólanum og komum endurnærð aftur til kennslu miðvikudaginn 26.okt.

Tónskólinn er nú farinn í páskafrí og hefst kennsla aftur þriðjudaginn 19.apríl líkt og í flestum grunnskólum borgarinnar.

Reykjavíkurborg auglýsti nú á dögunum að opnað hefði verið fyrir innritun í tónlistarskóla borgarinnar og viljum við því árétta að þeir nemendur sem eru skráðir í skólann og hyggjast halda námi áfram þurfa ekki að sækja um aftur, eingöngu þarf að greiða staðfestingargjald til að tryggja sér áframhaldandi pláss en greiðsluseðlar verða sendir út í byrjun júní.

Það má hins vegar láta okkur vita ef nemandi hyggst taka sér hlé frá námi og skipta um hljóðfæri eða annað slíkt sem gæti gagnast okkur við skipulag haustannar.

Nú styttist í vortónleika og því er um að gera að halda vel áfram með verkefnin svo tónleika upplifun verði sem jákvæðust.

Að lokum viljum við óska ykkur gleðilegra páska.

Nú höfum við opnað fyrir skráningu á næstu námskeið sem hefjast 21. og 22. mars. Kenndir verða 3 tímar fyrir páska og 3 eftir. Við höfum nú einnig opnað fyrir skráningu í fullorðinshóp 18+

Sjá nánar hér