Tónskóli Hörpunnar

Nú styttist í að við hefjum kennslu en þessa dagana vinna kennarar að undirbúningi haustannar, sinna endurmenntun og fleiri faglegum málum. Kennsla hefst föstudaginn 28. ágúst.

Þið sem eruð ný og eruð að hefja nám hjá okkur fáið símhringingu frá ykkar kennara í síðasta lagi í vikunni 24.- 27. ágúst.

Eins og áður kemur fram er fyrsti kennsludagur föstudaginn 28. ágúst en tónfræðikennsla hefst rúmri viku seinna eða í vikunni 7. -11. sept.

Tónfræði 1 verður kennd á þriðjudögum kl. 17 og tónfræði 2 á miðvikudögum kl. 17. Ég hvet alla sem búnir eru að vera í námi í eitt ár eða meira og eru komnir í 4. bekk að sækja tónfræði, það kostar ekkert aukalega að fara í tónfræði og styður við hljóðfæranámið. Athugið að Tónfræði 1 er undanfari Tónfræði 2. Nánari upplýsingar um tónfræði í Álftamýri verða sendar beint á foreldra.

Við getum bætt við nemendum á einhver hljóðfæri, t.d. í forskóla, gítar, fiðlu og víólu. Áhugasömum er bent á að hafa samband við okkur á harpan@harpan.is.

Vortónleikar Tónskóla Hörpunnnar fara fram dagana 18. og 19. maí næstkomandi. Allir nemendur hafa fengið úthlutað tónleikatíma frá sínum kennara. Tónleikarnir eru að vanda haldnir í Borgum, Spönginni 43 sem er næsta hús við tónskólann.

Við biðjum alla að mæta tímanlega og æskilegt er að nemendur mæti í tónleikaklæðnaði. Eftir tónleika fá nemendur vetrarumsögn afhenda hjá sínum kennara svo nauðsinlegt er að sitja tónleika til enda.

Í vetur hafa nemendur og kennarar unnið hörðum höndum að þema ársins: Þjóðlög ýmissa landa. Á föstudaginn gefst okkur loksins tækifæri til að sýna afraksturinn á glæsilegum tónleikum í tengslum við Barnamenningarhátíð.

Fram koma nemendur á öllum aldri, frá 5 til 18 ára, auk þess sem kennarar skólans munu leika með. Tónleikarnir gefa frábært þversnið af því fjölbreytta starfi sem fer fram innan skólans og eru kjörið tækifæri fyrir tónlistaráhugafólk til að koma og njóta.

• Tími: Föstudaginn 24. apríl kl. 17:00.
• Staður: Borgarbókasafn, Spöngin
• Aðgangseyrir: Ókeypis og allir velkomnir á meðan húsrúm leyfir.

Öskudagur í dag

í dag er öskudagur, þetta er hefðbundinn kennsludagur í tónlistarskólanum, en við biðjum þá sem ekki sjá sér fært að mæta í tíma að láta sinn kennara vita. Netföng og símanúmer má finna á heimasíðunni. Annars hvetjum við alla til að koma við í Tónskólanum á milli kl 14:30 og 17 og syngja hjá okkur.

Vetrarfrí grunnskólanna

Tónskólinn hefur vetrarfrí sömu daga og grunnskólar Reykjavíkurborgar (19.-22. febrúar). Njótið samverunnar og munið að hér er fínt tækifæri til að fá krakkana til að vera duglega að spila heima.

Dagur tónlistarskólanna veður haldinn hátíðlegur með opnu húsi í Tónskóla Hörpunnar Spönginni 39, laugardaginn 7. febrúar n.k. kl. 13:00 – 15:00.

Nemendur munu flytja tónlistaratriði og hægt verður að prófa allskonar hljóðfæri og spjalla við starfsfólk skólans. Auk þess verður hægt að prófa að syngja inn á upptöku.

Boðið verður upp á kaffiveitingar og eru allir velkomnir, bæði þeir sem stunda nám við skólann og þeir sem vilja kynna sér starfsemina.

Kæru foreldrar og nemendur,

Kennarar og stjórnendur Tónskóla Hörpunnar óska ykkur og fjölskyldum ykkar gleðilegra jóla. Fyrsti kennsludagur vorannar er 5. janúar. Megi nýtt ár vera fullt af tónlist.

Eins og alltaf á annaskiptum er smá hreyfing á nemendum og því eigum við örfá pláss fyrir nýja nemendur.

kv, Starfsfólk Tónskóla Hörpunnar

Um þessi mánaðarmót nóvember-desember eru greiðsluseðlar með staðfestingargjaldi vorannar 2026 sendir út.

Staðfestingargjaldið er 18.000 krónur og birtist í heimabanka greiðanda.

Staðfesntingargjald er fyrsta greiðsla af námsgjaldi annarinnar.

Athugið að útgefandi greiðsluseðils er Tónlistarfélagið Strengir.

Jólatónleikar Tónskóla Hörpunnar 2025 verða haldnir dagana 4. og 5.des næstkomandi. Verðum við með 6 tónleika og fara þeir fram í Borgum, Spönginni 43, 112 Grafarvogi. Kennarar hafa sent tímasetningar á sína nemendur en ef einhverjar spurningar vakna er alltaf hægt að senda okkur tölvupóst á email skólans.

Nú er komið að tónfundum hjá okkur í Tónskóla Hörpunnar. Þið sem ekki þekkið tónfundi eru það óformlegir tónleikar þar sem við hittumst í litlum hópum og spilum eitt lag fyrir hvort annað. Salurinn okkar er smár og því bjóðum við öllum nemendum að hafa einn með til að hlusta.  Þetta tekur stutta stund og við reynum eftir fremsta megni að hafa þetta afslappað.

Upplýsingar um tímasetningar fáið þið frá ykkar kennara en skipulag er svona:

Diljá 15.okt,
Leifur 15.okt (gítarnemendur og bassanemendur)
Jón 16.okt.
Ingrid 20.okt
Fannar, 21.okt,
Oliver 22.okt,
Maríann 22.okt
Steini 22.okt,
Leifur 21-22.okt (forskólanemendur)

Vetrarfrí

Vetrarfríið í hjá okkur er samhliða grunnskólanum svo engin kennsla er dagana 24.-28. október.

Fyrirkomulagið á greiðslu námsgjalda haustannar 2025 er þannig að við innritun er greitt staðfestingargjald sem er 18.000 krónur. Þá er eftirstöðvum skipt í þrennt og greitt í byrjun september, október og nóvember.

Við erum ennþá svolítið gamaldags og innheimtum námsgjöld með greiðsluseðlum. Fyrir kemur að greiðsluseðillinn er lengi á leiðinni, en upphæð septembergreiðslunnar birtist í heimabankanum og er gjaldagi hennar að þessu sinni 2. september og eindagi þann 5. Athugið að útgefandi greiðsluseðilsins er Tónlistarfélagið Strengir, en það félag er rekstraraðili Tónskóla Hörpunnar.