Opið fyrir skráningu á Ukulelenámskeið
Nú höfum við opnað fyrir skráningu á næstu námskeið sem hefjast 21. og 22. mars. Kenndir verða 3 tímar fyrir páska og 3 eftir. Við höfum nú einnig opnað fyrir skráningu í fullorðinshóp 18+
Vetrarfrí
Kæru foreldrar og forráðamenn
Við erum eins og síðustu ár með vetrarfrí sömu daga og í grunnskólum borgarinnar eða fimmtudag til sunnudags, 17.-20.febrúar. Kennsla hefst aftur á mánudegi samkvæmt stundaskrá.
Eftir vetrarfrí verðum við með tónfundi en nemendur fá nánari upplýsingar frá sínum kennara.
Haustfrí
Kæru foreldrar og forráðamenn,
Tónskóli Hörpunnar heldur vetrar- og haustfrí á sömu dögum og grunnskólar Reykjavíkurborgar. Haustfríið í ár er 22.-26. október og þessa daga er engin kennsla hjá okkur. VIð komum svo endurnærð til baka miðvikudaginn 27. október og er kennsla þá með hefðbundnu sniði.
Kær kveðja starfsmenn og stjórnendur.
Ný tímasetning tónleika sem falla niður í dag
Eins og áður hefur komið fram þurfti að fella niður tvenna jólatónleika í dag 10.des. Nú er ljóst að við munum færa tónleikana og fara þeir nú fram 17. desember í Kirkjuselinu í Borgum kl. 17:30 og 18:30.
Dagskráin hliðrast um klukkustund svo að þeir nemendur sem áttu að spila kl. 18:30 eru nú kl. 17:30 og þeir sem áttu að spila kl. 19:30 verða nú kl. 18:30.
Við vonum að allir geti verið með og sýni þessari tilfærslu skilning. Þetta er í fyrsta sinn í 20 ára starfi skólans sem fella þarf niður tónleika og þetta því algjört neyðarúrræði.
Kennsla og tónleikar falla niður 10.desember
Sökum afleitrar veðurspár og tilmæla borgaryfirvalda að fólk haldi sig innandyra, verðum við að fella niður kennslu eftir hádegi á morgun, þriðjudaginn 10.des.
Jólatónleikar sem áttu að fara fram kl. 18:30 og 19:30 falla einnig niður og tilkynnt verður síðar hvort mögulegt verði að halda þá tónleika á öðrum tímapunkti. Vinsamlegast athugið að tónleikar 11.des eru samkvæmt áætlun.
Vetrarfrí
Nú er vetrarfrí í tónskólanum, en við höldum vetrarfrí samhliða grunnskólum borgarinnar. Því er engin kennsla frá 24.- 28.oktober. Sjáumst svo aftur þriðjudaginn 29.október.
Ný heimasíða komin í loftið
Nú er ný heimasíða Tónskólanns komin í loftið. Nýja síðan auðveldar okkur að setja inn nýjar fréttir og er svo beintengd við facebook síðu skólans. Við hvetjum fólk til að fylgja okkur þar, sjá fb box hér til hiðar.
Góðar gjafir
Rut Ingólfsdóttir fiðluleikari heimsótti skólann á dögunum og færði honum góðar gjafir.
Þar var heilt safn af geisladiskum með margskonar klassískri tónlist sem mun nýtast vel t.d. við tónfræði- og sögukennslu. Einnig færði hún skólanum bókina Þegar draumarnir rætast, sem er saga Kammersveitar Reykjavíkur 1974-2016, en Rut var stofnandi hennar og stjórnandi til ársins 2016. Þá settist hún niður og skrifaði sögu sveitarinnar sem spannaði yfir 42 ár. Það er ljóst að þarna hefur verið unnið mikið og auðgandi starf í tónlistarmenningu okkar Íslendinga. Bókina prýða margar fallegar ljósmyndir sem gaman er að skoða.
Við þökkum Rut innilega fyrir höfðinglegar gjafir og óskum henni velfarnaðar í nýjum verkefnum. Á meðfylgjandi mynd eru Rut og Svanhvít Sigurðardóttir skólastjóri Tónskóla Hörpunnar.
Frístundakortið
Nöfn allra nemenda haustannar hafa nú verið færð á Frístundakortið. Ráðstöfun á Frístundakortinu nú kemur til lækkunar á greiðslum námsgjalda sem inntar eru af hendi í október og nóvember.
Tónfræðitímarnir
Tónfræðikennslan byrjar 12. september
Tónfræði I á þriðjudögum. Fyrsti tími kl. 17:00
Tónfræði II á miðvikudögum kl. 17:00
Tónfræði III á miðvikudögum kl. 18:00
Stöðupróf í tónfræði verður þriðjudaginn 5. september kl. 17:00
You must be logged in to post a comment.