fbpx
Hver er framtíð Tónlistarskóla í tónlistarborginni Reykjavík?

Hver er framtíð Tónlistarskóla í tónlistarborginni Reykjavík?

Comments 0 Comment

Foreldrar, tónlistarnemar, tónlistarkennarar og aðrir velunnarar tónlistarkennslu í Reykjavíkurborg vinsamlegast athugið:

Opinn fundur verður haldinn í Austurbæjarbíó miðvikudaginn 2. maí kl. 20.00 um framtíð tónlistarkennslu í Reykjavíkurborg.

Á fundinn eru boðaðir oddvitar framboðanna til sveitarstjórnarkosninganna í vor.   Oddvitar stærstu framboðanna, Dagur B. Eggertsson borgarstjóri og Eyþór Arnalds borgarstjóraefni Sjálfstæðisflokksins munu taka til máls.

Það er ljóst þeim sem fylgst hafa með málefnum tónlistarskóla undanfarin misseri að víða hefur vandi steðjað að. Enn eru tónlistarskólar að súpa seyðið af hruninu 2008. Það er mikilvægt að allir sem láta sér annt um tónlistarkennslu í höfuðborginni Reykjavík mæti á fundinn og láti skoðun sína í ljós.

Blómlegt tónlistarlíf á Íslandi á rætur sínar að rekja til öflugrar tónlistarmenntunar. Viljum við sjá öflugt tónlistarlíf áfram á Íslandi? Ef svo er, mætum á fundinn og látum í okkur heyra!

 

Sumardagurinn 1.

Sumardagurinn 1.

Comments 0 Comment

Nokkrir nemendur Tónskóla Hörpunnar léku á Sumardaginn 1. á afmælishátið eldriborgara, Korpúlfa sem haldin var í Gullhömrum.  Ísar Örn, Jökull Hólm og Þengill léku á trommur, saxafón og rafgítar ásamt Kjartani aðstoðarskólastjóra sem lék með þeim á rafbassa.  Þrír píanónemendur léku á flygill í salnum, þau Klara Ólöf, Sandra Irena og Halldór Ásgeir.

Tónfundir fyrir páska – páskafrí

Tónfundir fyrir páska – páskafrí

Comments 0 Comment

Í þessari viku eru Kjartan, Svanhvít, Hjalti, Benjamín, Ingrid og Þorkell með tónfundi, en Hrafnhildur verður með tónfund 10. apríl. Páskafríið fylgir dögum grunnskólans. Kennsla eftir páska hefst aftur á þriðjudegi.

Dagur tónlistarskólanna laugardaginn 10. febrúar. Opið hús.

Dagur tónlistarskólanna laugardaginn 10. febrúar. Opið hús.

Comments 0 Comment

Dagur tónlistarskólanna verður haldinn hátíðlegur laugardaginn 10. febrúar. Í því tilefni verður Tónskóli Hörpunnar með opið hús í Spönginni frá kl. 14:00 til 16:00.
Kaffiveitingar og spjall. Nokkrir nemendur koma og leika verkefnin sem þeir eru að æfa. Hljóðfærakynning.
Allir velkomnir.

Frístundakortið

Frístundakortið

Comments 0 Comment

Nú hafa nöfn allra nemenda skólans verið færð á Frístundakortið.
Hægt er að ráðstafa af kortinu til greiðslu námsgjalda.
Gott væri að þeir sem hefðu hug á að nota Frístundakortið til niðurgreiðslu námskostnaðar gerðu það sem fyrst, svo framlag kortsins komi strax til lækkunar á eftirstöðvum gjalds.

Upphaf vorannar 2018

Upphaf vorannar 2018

Comments 0 Comment

Kennsla hefst eftir áramótin þann 4. janúar.
Í fyrstu er óbreytt stundatafla, en viðbúið að einhverjar breytingar þurfi að gera á töflunni.
Ingrid Örk kemur úr fæðingarorlofi og færast þá nokkrir nemendur til hennar.
Leifur fer í fæðingarorlof fram að páskum og munu afleysingakennarar sinna nemendum hans fram að þeim tíma.
Haft verður samband við nýja nemendur eftir áramótin.

Jólatörnin

Jólatörnin

Comments 0 Comment
Dagbjartur Ási Sigurbjörnsson leikur jólalag ásamt Kjartani Eggertssyni á jólatónleikum í síðustu viku.

Tvær síðustu helgar hafa nemendur leikið við guðþjónustur í Grafarvogskirkju og s.l. þriðjudag voru tvennir jólatónleikar haldnir í krikjuselinu í Borgum.  Á miðvikudeginum fóru nemendur í heimsókn á aðalfund Korpúlfa félags eldriborgara og léku nokkur jólalög.

Á morgun sunnudag 17. desember ætla nokkrir blokkflautunemendur að mæta í guðþjónustu og jólaskemtun í Grafarvogskirkju kl. 11:00 og leika jólalag.

Á mánudaginn eru tvennir jólatónleikar, – kl. 17:00 og kl. 18:30, en þeir eru haldnir í kirkjuselinu Borgum í Spönginni.