Tónskóli Hörpunnar

Innritun nýrra nemenda stendur yfir. Sótt er um á Rafrænni Reykjavík

Jólatónleikarnir verða í Grafarvogskirkju mánudaginn 8.des. kl. 17:00 og 18:15 og þriðjudaginn 9. des. kl. 18:00 og 19:15. Eru ekki alir klárir á því hvenær þeir eiga að spila?

Kæru foreldrar og nemendur.

Ekkert þokaðist í samkomulagsátt í dag hjá samninganefndum FT og sveitarfélaga.
Nú hefur verkfallið staðið í 2 vikur. Strax og kennsla hefst að nýju verður ákveðið með hvaða hætti nemendum verður bætt kennslutap vegna verkfallsins.

Svanhvít Sigurðardóttir
skólastjóri Tónskóla Hörpunnar.

Ágætu foreldrar og nemendur.
Verkfall tónlistarkennara í Félagi tónlistarskólakennara FT stendur enn. Næsta þriðjudag 4. nóvember hefur verið boðaður samningafundur og vonum við að samkomulag náist þá.

Svanhvít Sigurðardóttir,
skólastjóri Tónskóla Hörpunnar.

Kæru foreldrar/forráðamenn og nemendur.

Eins og nú er orðið ljóst þegar þetta er ritað er verkfall skollið á í tónlistarskólum landsins, miðvikudaginn 22. október 2014. Við höfðum vonað að þeir fulltrúar sem með samningamálin fara myndi auðnast að komast að sameiginlegri niðurstöðu svo ekki kæmi til þessa óyndisúrræðis. Bið ykkur að fylgjast vel með fréttum og framvindu þessara mála. Þið eruð eini þrýstihópurinn sem tónlistarkennarar hafa og því biðlum við til ykkar að styðja kjarabaráttu tónlistarkennara með að skrifa undir stuðningslistann sem tónlistarnemendur fóru af stað með. http://www.petitions24.com/vi_styjum_kjarabarattu_tonlistarkennara Vinsamlega skrifið undir og deilið.

Athugið að Leifur Gunnarsson bassa- og gítarkennari er ekki í verkfalli. Öll önnur kennsla fellur niður. Þar sem sumir kennarar eru í FT Félagi tónlistarskólakennara og aðrir eru í FÍH Félagi íslenskra hljómlistamanna eru sumir kennarar í verkfalli og aðrir ekki. Allir nemendur Leifs mæta áfram í tíma eins og áður en tónfræðitímar falla niður.
Nú verðum við að standa saman, taka einn dag í einu og vona það besta.

Svanhvít Sigurðardóttir,
skólastjóri.

Kæru foreldrar/forráðamenn og nemendur

Verkfall tónlistarkennara stendur enn. Í gær var samningafundur sem sáttasemjari boðaði til, sem leiddi ekki til lausnar deilunnar þrátt fyrir aukna bjartsýni. Á meðan þetta ástand varir fellur öll kennsla niður í Tónskóa Hörpunnar nema hjá Leifi Gunnarssyni bassa- og gítakennara sem er í öðru félagi. Við fylgjumst vel með framvindu mála og biðjum ykkur að gera það einnig. Um leið og deilan leysist sendum við út boð og kennsla hefst að nýju.

Bestu kveðjur
Svanhvít Sigurðardóttir
Skólastjóri Tónskóla Hörpunnar

Þann 15. september munu nöfn nemenda verða færð á Frístundakortið og verður þá hægt að ráðstafa af kortinu. Sú ráðstöfun kemur til lækkunar a október- og nóvembergreiðslunum.

Nú fer fram skráning og undirbúningur vetrarstarfs. Kennarar verða í sambandi í næstu viku og í síðasta lagi um helgina 30. og 31. ágúst. Fyrsti kennsludagur er 1. september.

Innritun á haustönn stendur yfir. Kennsla fer fram að Bæjarflöt 17, Grafarvogi og einnig í eftirtöldum grunnskólum: Kelduskóla Korpu, Kelduskóla Vík, Vættaskóla Borgum, Vættaskóla Engjum, Húsaskóla, Foldaskóla, Rimaskóla, Hamraskóla, Ártúnsskóla, Háaleitisskóla Hvassaleiti og Háaleitisskóla Álftamýri.

Vortónleikarnir 2014 í Grafarvogskirkju:

Fimmtudagur 15.maí kl. 17:00 nemendur, Hrafnhildar og Stefáns
Fimmtudagur 15.maí kl. 18:15 nemendur, Hrafnhildar og Stefáns
Fimmtudagur 15.maí kl. 19:30 nemendur, Veru, Svanhvítar og Kjartans
Föstudagur 16.maí kl. 17:00 nemendur, Þórunnar, Svanhvítar og Kjartans
Föstudagur 16.maí kl. 18:15 nemendur, Eddu, Þórunnar, Svanhvítar og Kjartans
Föstudagur 16.maí kl. 19:30 Bland í poka – nemendur frá öllum kennurum

Athugið að í einhverjum tilfellum þegar um systkini er að ræða er brugðið út af upptalningunni hér fyrir ofan. Nánari upplýsingar hjá kennurum