Kennslustaðirnir eru: Spöngin, Engjaskóli, Húsaskóli, Sæmundarskóli, Ártúnsskóli, Álftamýrarskóli
Sótt er um á RafrænReykjavík
Nánari upplýsingar í síma skólans 567 0399 og 822 0398
Athygli er vakin á því að samkvæmt nýjum sóttvarnareglum verður hægt að hefja tónfræðikennslu á ný og verður kennslan nú á sama tíma eins og fyrr í haust.
Vegna frétta um starfsdag grunnskóla, leikskóla og tónlistarskóla, skal tekið fram að kennsla í Tónskóla Hörpunnar í Spönginni er óbreytt eftir hádegi á morgun mánudag, 2. nóvember.
Það er vetrarfrí hjá Tónskóla Hörpunnar eins og grunnskólunum í Reykjavík.
Kennsla hefst aftur þriðjudaginn 27. október.
Kæru foreldrar/ forráðamenn
Nú þurfum við að skerpa á öllum sóttvarnarreglum okkar í ljósi þess að smitum af Covid-19 hefur fjölgað mikið síðustu daga.
Foreldrar mega ekki lengur koma inn í tónskólann, þeir þurfa að kveðja börnin sín fyrir framan dyr skólans.
Nemendur eiga að koma með sínar eigin nótnabækur, verkefnabækur, blýhanta, yddara og strokleður og önnur þau áhöld sem þeir eru vanir að nota í tónskólanum.
Gætum vel að okkar eigin smitvörnum með handþvotti, spritti og fjarlægð eins og Þórólfur minnir okkur stöðugt á.
Gangi ykkur öllum sem allra best.
Svanhvít Sigurðardóttir
skólastjóri Tónskóla Hörpunnar
Tónfræðin hefst í vikunni 7. – 13. sept.
Tónfræði I þriðjudaga kl. 17:00
Tónfræði II miðvikudaga kl. 17:00
Tónfræði III miðvikudaga kl. 15:00
Undirbuningur haustannar og innritun nýrra nemenda stendur yfir.
Gerð stundaskrár hefst í vikunni 24. – 28. ágúst um leið og grunnskólinn byrjar.
Þar sem breytingar verða á grunnskólunum í norðanverðu Grafarvogshverfi væri gott ef allir nemendur sem þurfa að skipta um grunnskóla láti okkur vita hvaða skóla þeir muni sækja, til að einfalda stundarskrárgerðina okkar.
Verðum í bandi.
Í dag lokum við skólaárinuu 2019-2020 formlega með því að senda út umsagnir til allra nemenda tónskólans. Eins og allir vita gátum við ekki lokið skólanum með vortónleikum eins og hefð er fyrir vegna Covid-19. Ég vil þakka kennurum, nemendum, foreldrum, forráðamönnum og öðrum þeim sem að málinu komu fyrir þrautseigju, jákvæðni, kraft og dugnað meðan á samkomubanninu stóð. Þannig komumst við öll heil út úr þessum erfiðu aðstæðum , reynslunni ríkari og vitandi það að þegar virkilega reynir á stöndum við öll saman sem einn maður. Það er góð tilfinning.
Bestu kveðjur til ykkar allra með von um gott og heillaríkt sumar.
Svanhvít Sigurðardóttir skólastjóri
Frá og með 4. maí n.k. hefst skólahald að nýju með hefðbundnu sniði.
Kennsla í Tónskólanum verður samkvæmt stundaskrá sem var í gildi fyrir samkomubann, nema annað verði tilkynnt .
Tónlistarkennsla í grunnskólum verður samkvæmt stundaskrá sem var í gildi fyrir samkomubann, nema annað verði tilkynnt.
Áfram þarf að huga vel að allri smitgát varðandi handþvott og sprittun.
Foreldrar mega ekki koma inn í Tónskólann.
Hóptímar byrja aftur eins og t.d. tónfræðin og munum við ljúka henni með prófi.
Vortónleikarnir munu því miður falla niður þetta vorið.
Hefðbundinni kennslu lýkur föstudaginn 22. maí.
Tónskóli Hörpunnar vill þakka foreldrum og forráðamönnum nemenda fyrir þann góða skilning sem þeir hafa sýnt okkur við þær aðstæður sem við búum við þessa dagana. Tónlistarkennarar hafa haldið nemendum við efnið með fjarkennslu og munu halda því áfram eftir páska. Og þó svo tónlistarkennslan og gæði hennar séu verulega skert þá er ánægjulegt að fá að kynnast foreldrum með þessum hætti þar sem þeir eru ósjálfrátt virkir þátttakendur í námi barnanna.
Sjáumst í símanum eftir páska 🙂
You must be logged in to post a comment.