Þau Ingrid Örk Kjartansdóttir og Leifur Gunnarsson, kennarar í Tónskóla Hörpunnar voru í sviðsljósinu á upphafstónleikum Jazzhátíðar Reykjavíkur 2015. Þar fluttu þau djassskotin sönglög Leifs með frábærum tónlistarmönnum, þeim Agnari Má Magnússyni, Matthíasi Hemstock, Hauki Gröndal og Snorra Sigurðssyni.
Tónleikarnir voru jafnframt útgáfutönleikar á hljómdiski sem ber heitið Húsið sefur.
Myndin sem hér fylgir er út fréttatíma RÚV þann sama dag
Innritun nýrra nemenda á haustönn 2015 er hafin. Sótt er um skólavist á vef borgarinnar; RafrænReykjavík.
Vortónleikar Tónskóla Hörpunnar verða dagana 11. og 12. maí. Að þessu sinni verða þeir haldnir í Borgum í Spönginni sem er þjónustumiðstöð fyrir Eirborgir. Borgir er gegnt nýja borgarbókasafninu.
Nánari upplýsingar um tónleikana munu kennarar veita nemendum í vikunni.
Laugardaginn 25. apríl var Opið hús í Tónskóla Hörunnar. Margir nemendur, foreldra og gestir litu við og þökkum við þeim öllum fyrir komuna. Nokkrir nemendur „tóku lagið“ og á þessari mynd leikur Ásta Steindórsdóttir ásamt kennara sínum Ingridi Örk Kjartansdóttur á flygilinn
Tónskóli Hörpunnar tekur þátt í Barnamenningarhátíð 2015 þar sem nemendur tónskólans verða með tónleika í Bókasafninu Spöng, 22. apríl kl. 17:00. Sjá nánar: www.barnamenningarhatid.is/
Laugardaginn 25. apríl verður opið hús í Tónskóla Hörpunnar, milli kl. 14:00 og 16:00.
Nemendur leika, kennsla fyrir opnum dyrum, hljóðfærakynning, myndasýning, kaffiveitingar.
Upplagt fyrir nemendur og foreldra að koma og skoða ný húsakynni skólans í Sönginni 39 (fyrir ofan Apotekið).
Nú er páskafrí. Þriðjudagurinn 7. apríl er starfsdagur og þvi er fyrsti kennsludagur eftir páska miðvikudagur 8. apríl, eins og í flestum grunnskólum.
Um nokkurt skeið hefur Reykjavíkurborg falast eftir húsnæði skólans að Bæjarflöt 17 undir aukna starfsemi í dagvistun fatlaðra. Því flytur Tónskóli Hörpunnar nú höfuðstöðvar sínar upp í Spöng. Nýja húsnæðið er við hliðina á borgarbókasafninu og fyrir ofan apótekið. Öll kennsla er nú þangað flutt. Við Spöngina stoppa 4 strætisvagnar, svo auðvelt á að vera fyrir alla að sækja tíma á nýa staðinn.
Nú hafa nöfn allra nemenda verið færð á Frístundakortið og hægt að ráðstafa af því upp í námsgjöld skólans. Hámarksupphæð er kr. 35.000.
Kennsla hefst aftur eftir áramót mánudaginn 5.. janúar. Fyrstu dagana verður óbreytt stundaskrá frá því fyrir jól.
You must be logged in to post a comment.